Fai mai faamatalaga a sui o se tasi Iuni o tagata faigaluega o pagota i se tasi o falepuipui i Niu Sa Uelese ua taofia lava i o latou sela ona o le lē lava o le aufaigaluega.
Saunoa manino le peresetene o le NSW Public Service Association, Nicole Jess o le Wellington Correctional Center e toaititi tele le aufaigaluega e vaaia atoa pagota i le nofoaga.
Faailoa foi e le peresetene o le tulaga foi lea ua alia’e ai nisi uiga faaalia o pagota ua iu lava ina faaoolima ai isi i le aufaigaluega.
O faamaumauga foi mai se tasi o lipoti a le Productivity Commissioner ua iloa ai ua siitia pea le aofai o mataupu e faaoolima ai pagota i le aufaigaluega.
Ua faailoa la e toa 13 isi vaega o le aufaigaluega fou o le a agai ane i le vaiaso fou.
E le o iai se faamatalaga mai le minisita o faasa’oga e tusa o nei fuafuaga.
