Ina pepese Aleluia ua fanau le tupu! Ua lata mai le aso e faamanatu ai le fanau mai o Iesu, lo tatou Alii Faaola. Le pepe o le Kerisimasi. Amata nei loa le taumafaiga, e faagata i le aso 20 o Tesema. O le a faia le se’i i le aso lava lena i le 10 i le taeao. (faitau manino aiaiga)

Lē fiafia tagata umia laisene laau malosi i le faatamala o leoleo

Lē fiafia i latou e iai laisene e umia ai laau malosi i le faatamala o leoleo ma le gaoia o faamaumauga o le tusa ma le 400 tagata.

O faamaumauga nei faato’ā toe iloa ane na gaoia mai le ofisa tuai o leoleo i Aukilani i le taulaga, ma o se ofisa foi e lē o toe faigaluega ai se isi.

Mai le sui o le ofisa i Aukilani o nei faamaumauga na gaoia mai bin sa faasauni o le a saeia pe shred. Peitai o le alu ai o le osofaiga a leoleo i se tasi foi o mataupu e lē fesoota’i i le fale i Mt Albert i Aukilani na faate’ia ai ina ua maua mai ai.

O faamaumauga nei o loo iai tagata umia laau malosi faapea i latou na toe faafou laisene i le va o le 2015 ma le 2017. Ua lagona ai le lē saogalemu o tagata o loo i lea lisi o latou faamaumauga ma ua faaalia ai foi e le Council of License Firearms le faanoanoa. Mai leoleo ua toe vaavaai nei i la latou system.