Ua se tai taliga o le to’atele o tagata e faaaogaina auala o femalagaaiga lautele le faalogoina foi o le toe faia o tetee a le aufaigaluega galulue i trains ona e lei maua lava se tonu o le la mataupu ma le malo.
Faailoa finagalo o nisi i talafou ua lē lavavā faalogo soo i nei mau tetee ma suiga e faia i faigamalaga a trains ona o loo aafia ai lava tagata lautele ma tagata faigaluega e faaaogāina ia auaunaga.
Fai mai le failautusi o le iuni o Alex Classens o se vaega lea o le latou finau atu i le malo i le mataupu e pei ona finau ai pea. Na vaaia foi i le asō le tumutumu o nofoaga o trains ona o le faatuai ma le leai foi o nisi o malaga ina ua aga’i ese le aufaigaluega mai a latou galuega mo le 6 itula.
Fai mai tagata lautele ua tatau ia ona faamuta ma fofo faafitauli o ia itu e lua auā o loo mafatia ai lava le atunuu femalagaa’i i le tau faatulaga o isi auala o feoa’iga aga’i atu i galuega ma a’oga foi a le fanau.
