Ua talosaga mai le malaevaalele i Aukilani i pasese e leiloloa ato e alolofa ia lava le onosai.
O lea o loo gafa le malaevaalele ma le sailiga o ato leiloloa a le toatele o pasese, ma o isi mafuaga o le utiuti o le aufaigaluega toe tele fesuiaiga o faigamalaga i le tele o vaega o le lalolagi.
I se pepa o faamatalaga na tuuina mai ananafi o loo molimau ai le sooupu o le malaevaalele i Aukilani o loo faaauau pea ona aafia faigamalaga a pasese e taunuu mai i Niu Sila ona o fesuiaiga i faigamalaga i isi atunuu.
O le tele o vaalele o loo faimalaga mai Amerika, ma i lipoti e faapea foi le mea o loo tupu i Amerika ona o le utiuti o le augalulue atoa ai ma le faitau afe o faigamalaga e lē oo ona o le malosi o le tau malulu o iai nei.
Mai le malaevaalele o ato leiloloa e patino lava lea i kamupani vaalele, peitai i le finagalo o se tasi o loo fai ma sui o kamupani vaalele o loo latou malamalama i le lē fiafia o pasese e aafia peitai e le na o Niu Sila o loo tupu ai ma e leai se tali vave.
Mo le taimi nei, o le fautuaga mai le malaevaalele a Aukilani ia teu meatotino e moomia vave toe aogā i le ato o loo ave i luga poo lau carry-on.
