E le’i fiafia se tasi o matua i a’oa’oga tau feusua’iga na faia i totonu o le vasega a lana tama 11 tausaga le matua.
O lea ua aveese mai e lea tina lana tama teine mai le a’oga a Tauraroa Area School i Northland ona o le lē fiafia ina ua mautala i le a’oa’oina o lenei mataupu, ma e faapea e lē gata o ata na faamalamalama atili ai ae faapea pepa eseese o loo faamatalatalaina ai le eseesega o ituaiga feusua’iga.
I lipoti a le Newshub e faapea e le’i amanaia tele e le tina le talanoa atu o lana tama teine seia oo ina talanoa atu se tasi foi o matua i lona ia foi lagona faanoanoa.E le’i fiafia le tina i le tali a le a’oga ina ua taumafai e fesoota’i atu iai ma faaoo iai lona lē fiafia, ma o lea na faia ai loa ma le faai’uga e aveese mai lona alo.
