E lē o fiafia le pulenuu o Aukilani i lipoti o galuega a Aukilani.
O lea na feiloai le Auckland Council, City Rail Link, Auckland Transport faapea le Kiwi Rail ananafi e talanoa poloketi tau femalagaiga a le aai tele.
Na folasia ai ma le lipoti o le kuata tausaga a le Auckland Transport ma o loo ta’ua ai e ui i faafitauli o loo ui tulaga tau femalagaiga a Aukilani ua siitia i le 67% tagata e faaaogaina femalagaiga lautele faatusa ae e lei sau le Koviti.
O le lipoti mai le City Rail Link e tauala mai lona pule sili na ia ta’ua foi suiga o loo vaavaai iai i le felauaiga o uta atoa ai ma le auala train o loo eli i lalo a Aukilani.
Ae i nei lipoti i le vaai a le pulenuu ia Wayne Brown e le o lava ma na ia ta’ua e le o sau i le lipoti mataupu tetele ma ua ia faatonuina ai ua tatau ona taulai i fuafuaga lea na faia faatasi e le Auckland Transport ma le Matagaluega o Felauaiga.
