Ua toe tali ane le minisita o le va i fafo a le Atu Kuki Tingika Elikana i le sui o le itu agai o Vaitoti Tupa ma lana faamatalaga na faia ina ia toe asia le tulafono ua faaigoaina o le Religious Organisations Restrictions Act 1975 ina ia faatapulaa atili ai le aofai o faalapotopotoga tau lotu i le atunuu.
O le Palemene a le Atu Kuki na saunoa ai Tupa e na o le fa ekalesia e faataga i lalo o le tulafono lea i le atunuu ma ua tatau i le palemene ona toe teuteu le vaega o le tulafono lea ina ia faatapulaa loa le aofai o ekalesia i le atunuu.
Fai mai lea faipule a fua i le faavae o loo fai mai o le Atu Kuki o se atunuu kerisiano ma ua tatau ai ona faamuta i le 4 ekalesia ao faatalia ai se fautuaga mai le matagaluega o faamasinoga ma le Crown Law.
Fai mai le Minisita o le Va i Fafo, o le faavae o le atunuu o loo faataatia ai aiā tatau e faatatau i le tulafono pei ona lotea mai e le itu agai ma e tatau ona usitaia vaega ia ole faavae ae lei tagofia fua le tulafono.
Faailo e le Minisita o Faamasinoga e tolu talosaga o loo taatia nei, o nisi faatuatuaga e fia lesitala i le Atu Kuki, o le taimi nei o le fa o loo iai ma faatagaina i lalo o le tulafono, o le Cook Islands Christian Church, Ekalesia Katoliko Roma, Le Ekalesia Aso Fitu ma le Ekalesia a Iesu Keriso o le Au Paia o Aso e Gata ai.
Puna o Faamatalaga: https://www.rnz.co.nz/international/pacific-news/535612/cook-islands-foreign-minister-cautions-against-limiting-religious-organisations
