E le o taofia faigamalaga a vaalele mai Victoria, Ausetalia I le maea taua mai o se community case I Melepone ananafi
O le sau o lea tala ananafi mai Ausetalia ma fua I suesuega, e oo mai I le taimi e tuufaatasia ai tala o le taeao o loo mafanafana le soifua maloloina a Niu Sila o loo maualalo le tulaga ono lamatia o Niu Sila
O le case faamaonia ua maua nei I saute o Ausetalia e faapea o se tama na taliu mai atunuu mamao ma faatoa te’a I tua mai nofoaga faanofoesea I le Aso Lua o le vaiaso ua te’a, mulimuli ai ia faalogoina auga o le siama I le Aso Toonai
I le taimi nei o lea ua toe fesootai atu I pasese uma taunuu mai Victoria talu mai le aso 6 o le masina lenei, ma o loo fuafua o le aso e tatau ona maua mai ai faaiuga o nisi o siaki mai Victoria
