Semanu mafai ona toe maua ma faasaoina mai le ola o si tamaititi e iai manaoga tumau ua lipotia i le asō na agai i auvai o se vaitafe i Melepone ina ua leiloa mai lona aiga ma taumafai ai e agai i le isi pitonuu ae maua atu loa e leoleo.

E na o le 9 tausaga le matua ma fai mai leoleo e maua atu ua lelavā lava ma lē mafai ona toe savali ona ua gagase ona vae mai le malulu ma lana savaliga.

O le Maribynong River i Melepone lea na tulai mai ai lea mataupu i le amataga o le vaiaso, fai mai na vaaia e se tagata le tamaititi lea o taele i le vai poo le ‘afa o le fitu i le afiafi ae ua atoa lea o le lua itula talu ona lipotia i leoleo o loo tau sailia.

O leoleo ia na mauaina le tamaititi sa o latou ta’ua sa faigata ona fesootai mo se fesoasoani ona ua maalili foi ma le mafai ona tautala.

Fai mai leoleo semanu lipoti ane e le tagata lea na vaai iai ma mafai ai ona faasaoina mai le ola o sia tamaititi.