Fai mai e na o le 20 tausaga o le tagata lea ua faamanualia a o savali atu i le fale o se tasi o ana uo ae fesagai ai ma ni tagata se toatolu e le masani ai.
Fai mai le lipoti a le 7News e toatolu alii mai Kuiniselani o loo sosola nei mai leoleo i le mae’a ona feta’ua’ina lo latou faaoolima i le talavou pei ona ta’ua i luga.
Fai mai na manaomia e le 20 tausaga le faia o se taotoga i le mae’a o le faalavelave lea na tatui ai sei tulou e nisi i le ‘afa o le lua i le aoauli ananafi.
Sa savali agai atu i se fale o lana uo ae aafia ai ina ua fesagai ma alii ia e toatolu ma aafia ai ae na oo lava i le fale o lana uo ma faia loa iai togafitiga.
O loo faaasolo suesuega a leoleo i le nofoaga o le faalavelave ma talosagaina nisi e silafia ni faamatalaga.
