O loo faatalia se faamaoniga o si tina ua maliu ina ua lavea i se pasi i le aso ananafi i luma tonu o le taulaga faatau i le Central Coast i Niu Sa Uelese.
O le mau a leoleo na valaau ane i latou i le faalavelave lea i le te’a o le ‘afa o le iva i le taeao analeila ma sa faamatala ane e nisi o tagata na iai i lea nofoaga sa galulue i luga o le auala lea i le taimi na tupu ai le faalavelave ma o latou ia sa faavave atu ma taumafai e aveese le tina mai lalo o le pasi, faamatalaina o se tina matua ma e ui i galuega laveai na taumafai iai peitai na maliu lava sia tina.
Ua faatulaga nei e leoleo le vaega o loo faia ai a latou su’esu’ega ma tapunia ai le isi itu o le taulaga faatau i Bateau Bay. O loo su’esu’eina e leoleo pe na faapefea ona mafua lenei faalvelave.
