E 76 tausaga o se tamā matua ua lipotia na fana e le tagata ina ua ia tali atu i le tu’itu’i ane o le tagata i lona faitotoa i Melepone.
O le faalavelave na tupu i le fale o le tamā matua i Canterbury Rd e lata i Middle Park pe ā ma le 5km i le itu i Saute o le aai poo le lata lea i le 8 i le po anapo.
Na afaina ai se vaega o lona tino ma auina atu ai i le falemai mo togafitiga.
O le tagata na fanaina le tamā matua o se alii fai mai lipoti na sola ese mai ma le nofoaga lea ma mulimuli vaaia o alu agai i Albert Park Lake.
O loo ta’ua le faagasolo o suesuega i le taimi nei mo le faamautuina pe iai se sootaga o lē na faatinoina le osofaiga ma si tamā matua e pei ona ta’ua.
