O loo faamatala i lipoti a le 7 News i le asō le maliu o se tagata tietie pasika i le ACT e lata i le tuaoi ma Niu Sa Uelese i le aoauli ananafi.
Fai mai faamatalaga na agai atu le tagata lea e 46 tausaga i lana uilaafi i Brindabella Rd i Coree ae feto’ai ai ma se laau ma e maua atu e nisi e fai si tigaina ma e ui i galuega laveai na faatino peitai e lei manuia ma maliu ai i le falemai i Canberra.
E lē mailoa le mafuaaga o le lavea o lana uila ma ua talosaga foi leoleo i le komiuniti e ono silafia ni faamatalaga ina ia fesootai ane.
Ua atoa ai i sia tagata le toafā o soifua ua ma’umau i luga o le auala i lea faaitu i le tausaga nei.
Puna o Faamatalaga: https://7news.com.au/news/motorbike-rider-dies-in-single-vehicle-crash-in-nsw-southern-highland–c-14381446
