O loo feagai nei leoleo i Brisbane ma le suesueina o se tasi o faalavelave ua lipotia mai ua lavea ai se tamā i se taavale i luma o si ona afafine ina ua taunuu atu i lo latou fale i Melene o loo gaoia e tagata.
Fai mai le 9news o ananafi na agai ane ai le tamā lea i lona fale i Wettenhall Rd i Frankston poo le ‘afa o le 11 i le taeao ae o loo taumafai foi se isi alii e gaoia foi le fale ma taumafai e gaoia lana uila vilivae e tusa ma le $10 afe tala le tau.
Na momo’e le tamā e taofi le alii lea ae tuu ai si ona afafine 9 tausaga i le taavale peitai o le Toyota landcruiser na taumafai le au gaoi e sosola ai, o loo lipotia na lavea ai si tamā lea.
O loo faia suesuega i le faalavelave lea ae fai mai o le itu i Saute i Sasae o Melepone na tulai mai ai lea faalavelave.
