Ua laumanu’ia i se lipoti mai Ausetalia le tuuina atu o le lagolago a le malo o Samoa i le fesoasoani e 150 miliona tālā Ausetalia o le a faasoa mai e lea malo i totonu o le lima tausaga mo le atina’e o le taaloga lakapi i le Pasefika e aofia ai ma pulega o le lakapi i atunuu tuaoi o Fiti ma Tonga.
Ua faailoa i lea lipoti o Samoa ua muamua saini e lagolago malosi ai lea fesoasoani ma o se lagolago ua faamautū i le tuana’i o se vaiaso talu ona faaseetuagalu lē sa ta’ita’ifono i le komiti faafoe o le Lakapi Samoa ina ua mae’a lona taimi i le tofiga le susuga Tuilaepa L Sailele Malielegaoi.
Ua faailoa i se lipoti o le faasoaina o lea fesoasoani o le a feagai lea ma le pulega o le lakapi a Ausetalia i se faigāpaaga ma pulega o le taaloga i atunuu o Fiti Tonga ma Samoa.
