Ua toe sau le isi lipoti mai Saina o lana Koviti, ma o loo maualalo lava pe a faatusa i faamaumauga a nisi o tagata suesue iloga i le lalolagi.
E latalata i le 13,000 tagata maliliu e iai sootaga i le Koviti i le va o le aso 13 ma le 19 o le masina lenei, e tusa lea o le tasi le vaiaso.
O le vaiaso talu ai na sau ai le uluai lipoti ma o lea sa faapea mai e latalata i le 60,000 tagata maliliu i totonu o le 4 aso, mai le aso 8 i le aso 12 o Ianuari.
O tagata maliliu nei mai falemai e le o faitaulia ai tagata maliliu i fale o aiga, ma mai nisi o fomai ua tautino o loo faamalosia i latou e aua nei tuuina le faaupuga Koviti-19 i luga o pepa maliu.
O le tausaga lenei o loo taumate ai nisi o tagata suesue e silia ma le 1 miliona tagata maliliu a Saina mai le faamai, ae mai se tasi o kamupani Peretania o loo suesueina e ono oo atu i le 36,000 tagata i totonu o le aso.
i le 13,000 tagata maliliu faaopoopo i Saina ona o le Koviti
