Ua faamaonia e le sui minisita o Tupe i Ausetalia nei o Dr Andrew Leigh o se taimi o le tausaga fou 2023 o le a amata faataamilo mai ai tupe siliva o loo iai le ata o King Charles III ma o le a taunuu mai ai i Ausetalia.

Fai mai a ia e silia ma le 50 piliona coins o loo iai pea le ata o le tupu tamaitai ma o se vaega tulaga ese foi le suia mai o tupe a le atunuu mai le Tupu tamaitai i le Tupu ua iai nei. 

Ua maitauina foi le faatau e le toatele o ata ma faailoga aemaise foi o ni mea o loo faatau i faleoloa i Lonetona e faamanatu ai le soifua o le tupu tamaitai ma ua avea e nisi e fai ma faamanatu ma suvania o le soifua o lea foi taitai o le lalolagi.