E le o toe mamao se taimi ona mafai lea ona faia le tuipuipui lona 5 o le Koviti-19 lea ua faailoa mai mo tagata matutua.
Saunoa le minisita o le soifua maloloina, Mark Butler o le tuipuipui fou lea o le a amata ofoina mo tagata matutua i le faaiuga o le masina lenei ina ua mae’a ona taliaina le fautuaga a le ATAGI poo le Australian Technical Advisory Group on Immunisation.
O tagata matutua la e lei faia lava se tuipuipui faaopoopo pe e lei aafia foi i le Koviti-19 i totonu o le ono masina talu ai, e ono agavaa mo sea tui e amata atu i le aso 20 o Fepuari.
