I totonu o le tolu masina ua faamauina e lata i le 800 tā’otoga ua tolopō faapea tā’otoga lē faataunuuina.
Mafuaaga e aofia ai le lē lava o moega faapea ai ma le to’aitiiti o tagata e galulue i potu faata.
O le taimi poo le umi e faia ai tā’otoga, le isi mafuaaga faapea ai ma aso livi e ave faafuasei.
I faamaumauga a le leitio faavaomalo a Niu Sila, o falemai i Aukilani ua toe tuu atu i tua le 320 o tā’otoga, Middlemore e 363, ma le 106 i le falemai I Waikato.
A fua i faamaumauga nei o Middlemore lava lea e maualuga ai lew numera, ma a faatusa i le piriota lava e tasi o le tausaga talu ai, o lea ua alu i luga i le 30%.
Ua sau ai i le mae’a faailoa mai o le vaavaai e vaea le lata i le 1,500 tagata faigaluega a le soifua maloloina i le vaiaso talu ai.
O le aso foi ananafi na faailoa mai ai le gau e silia ma le $700 miliona, ma e fa’aauau atu ai i le ogatotonu o le 2027 cost cutting, poo fetuunaiga e faaitiitia ai tupe faaalu a le matagaluega.
Puna o Faamatalaga: https://www.rnz.co.nz/news/national/535588/nearly-800-surgeries-cancelled-postponed-at-auckland-hamilton-hospitals-in-september-quarter
