Lata i le $30,000 tupe gaoi mai le credit card a le aoga sa puleaoga ai, ma ua faalēaogāina ai nei ma lana lesitala o ia o se faiaoga.
E 60 tausaga le matua o Miriama Harmer, sa puleaoga i le Te Kura Kaupapa Maori o Te Atuhaunio-a-Paparangi i Whanganui, poo le aoga tulagalua e a’otauina ai fanau mai le vasega 1 agai i le vasega 8.
Ona o lona tulaga faapuleaoga na ia umia ai le credit card i lalo o faatagana mai le komiti faafoe i mea e faaalu ai, peitai o le tausaga e 2018 na maua ai e le suetusi le tele o mea totogi faapea tupe tala i tua na faia e aunoa ma se faatagana poo lisiti foi e faamaonia ai.
O nisi o tupe tala e faapea na faia i nofoaga e iai papu ma le casino i Aukilani, ma mai le aofai e $29,549, o le $19,000 o tupe nei na tala i tua.
O Aperila o le 2019 na faamavae ai Miriama mai lona tofiga faapuleaoga peitai o lea ua oosi lava e le pulega lona igoa o ia o se faiaoga lesitala.
I lipoti a le leitio a Niu Sila o loo toe ta’ua ai ua talia e lē sa puleaoga e lei sa’o ana faaiuga na faia ma o le tele o mea na faaalu ai e na te lē o manatuaina ona o le tele o mea na mamafa ai lona mafaufau.
Puna o Faamatalaga: Theft of nearly $30k in school funds by principal leads to registration cancellation | RNZ News
