E toeitiiti 200 miliona lea o le a faaaoga e le faigamalo a Niu Sa Uelese e faatino ai mea ua fautuaina le faia mo puipuiga mai lologa aemaise o le faatau ai o nisi vaa laveai fou rescue boats ina ia alofia ai le toe tulai mai o le tulaga na vaaia i lologa o le Northern Rivers i le tausaga nei.
Ua ta’ua e le ABC o le a faalauiloa e le premier nisi o paketi fesoasoani mo le faaleleia atili o meafaigaluega manaomia mo taimi o faalavelvae faafuasei i le setete aemaise nisi o vaega sa lei lelei tapenaina i le taimi o lologa.
E silia ma le 16 miliona ua faaagaga mo tulaga tau i le aveesea vave mai o tagata mai nofoaga aafia evacuation center management ma nofoaga e agai iai mo le saogalemu, ma le 11 miliona ua faaagaga mo le faia o aoaoga a tagata lautele e ono fia avea ma volunteers i taimi o faalavelve faafuasei.
