E lata i le 160,000 moa ua aafia i le bird flu mai le pa moa e tasi i Otago.
I lea aofa’i o le tele o moa o lea ua vavae ese mai isi moa ma e iai lava isi moa ua tapē.
I se faamaoniga mai le matagaluega a le Primary Industries anapo, o lea ua faamaonia le pa moa lona fā a le Mainland Poultry’s Hillgrove.
Mai le Biosecurity a Niu Sila e lē o iloa tonu le mafua’aga ma o loo galulue pea nei ma le pulega o le pa moa.
I totonu lava ia o Niu Sila, ua fai tele si umi o sa’oloto mai faama’i nei e aafia ai moa, ma o le faamanatu a le asosi a le Poultry Industry faatasi ma le Egg Producers Federation i tagata o loo faia pa moa, ia faaaogā iloiloga faia fua o loo tuu mai mo le aufaifaato’aga.
O le vaiaso talu ai lea na faailoa mai ai e le minisita o faato’aga, Todd McClay o lea ua ausia e Niu Sila lana maliega ma Ausetalia e toe amata fefaataua’iga o nisi o moa.
Puna o Faamatalaga: Bird flu outbreak: Nearly 160k hens culled at Otago farm | RNZ News
