Ua see nei le itu I matu o Northland I le lapataiga vaega 3
O le faaiuga lea na fofoga mai I le fonotaga faafuasei na faia I le afiafi ananafi I le maea faamaonia ua maua le toalua I le itu I matu ae e le fesootai ma cases na muai maua
O le toe tasi le minute i le 12 anapo na aloaia ai, ma o lea foi ua leo e leoleo tuaoi o loo vavae ai vaega o Northland o loo iai I le lapataiga vaega 2 ma le 3
O le sau o lea faasilasilaga na teena ai e le minisita o le Koviti, Chris Hipkins na faapolokiki le faaiuga ua iai nei, e ala lea I le le tuua uma o Northland I le lapataiga 3, ma o vaega foi e le o iai se suiga o lea na iai le tamaitai palemia Jacinda Ardern ananafi
Saunoa Hipkins, e le I fua le faaiuga ina ia mafai ai ona alu ese mai le palemia
O le mafuaaga o le faaiuga faatatope a le malo e tusa ma tala a le minisita, ua faia lea ona o le leai o se sootaga, ma e le o mautinoa foi poo le a le mamao ua oo atu iai le pepesi I tua I le komiuniti
