Ua iai lapataiga o matagi malolosi e aafia ai se vaega o Ausetalia i le vaiaso nei ae lē gata i lea o le toulu o le aisa ma timuga mamafa.

O le vaaitau ua o latou faailoa mai lea lapataiga i le asō ma o le a aafia ai vaega o NSW ma Vitoria i matagi to faata’uta’u e ono oo atu le malolosi i le 115km i le itula.

O loo lapataia foi isi vaega o le atunuu i le matuai malosi o le mālūlū faapea foi ma le siisii o le tai i gataifale.

Ua tuuina ai ma se lapataiga i tagata ia alofia le faimalaga i nofoaga maotua o le setete o NSW seia tau faaitiitia tulaga lamatia mai uiga loulouā ia o le tau.

O se isi foi vaega maualalo o le ea, low pressure system o loo faamauina i luga tonu o le Tasman Sea ma o loo agai atu agai i Niu Sila, ua fautuaina tagata ia silasila i tulaga tau le puipuiga ma le saogalemu o soifua a o faaletonu ai le tala o le tau.

Puna o Faamatalaga: https://www.9news.com.au/national/australia-weather-update-extreme-cold-and-damaging-winds-for-southeastern-states/80424667-d9eb-4cbc-bb44-29023d028821