Ua lapata’ia Kiwis o loo tapena e agai i malaevaalele auā tafaoga o lenei tuuaga, ia tapena e ono faatuai taimi o faigamalaga.
O se lapata’iga ua sau i le mae’a faalēaogāina o faigamalaga e tolu ananafi na fuafua e tuua le malaevaalele i Aukilani, ae 11 e le’i oo i Ueligitone ona o le utiuti o le aufaigaluega ma na faapea foi le Aso Toonai.
Mai le kamupani vaalele a le Ea Niu Sila, o le faaletonu o le tau, mama’i le aufaigaluega ma faaletonu o tulaga tau inisinia na mafua ai ona aafia faigamalaga.
Ese mai le Ea Niu Sila ua lapata’i foi le malaevaalele a Aukilani i tagata femalagaa’i i le pisi ma ia mautinoa e lava le taimi e taunuu atu ai a o le’i oo i le taimi o le malaga ma ia fai foi ma siaki suiga o taimi e faailoa mai e kamupani vaalele.
Mai le malaevaalele a Ueligitone o le utiuti o le aufaigaluega na aafia ai faigamalaga ananafi, peitai o lea sa toe fetuunai lava tagata aafia i isi faigamalaga.
O ni aafiaga ua sau i le mae’a faailoa mai e le Ea Niu Sila o se tasi o ta’iala ua ia faatagaina ai pasese uma e totogi faigamalaga i le taimi nei seia oo i le aso 31 o Iulai e mafai ona agavaa e taofi pasese o ni credit mo le 12 masina poo le suia foi o faigamalaga e aunoa ma se totogi.
