Ua toe sau le lapataiga e mataala i tagata o loo gaoia faamomoli a aiga.
Silia ma le 2 miliona faamomoli na tufatufaina i le vaiaso talu ai, ma i lipoti o loo galulue malosi le New Zealand Post o loo i Highbrook i Aukilani ina ia mautinoa e maua e tagata a latou faamomoli i taimi o le Kerisimasi.
Ae mai leoleo a o pisi ai le autufa meli o loo iai lava foi ma taavale a le augaoi meli, ma ua toe faamanatu mai ai ia mautinoa o loo iai se isi i le fale e faatalia mai le faamomoli atoa ai ma le manino o faatonuga e ave i e o loo faia kiliva.
A o mafaufau foi e lafo gift cards, vouchers poo tupe ae lafo i le meli, ua sau le faatonuga e aua.
Ua molimau mai ai foi leoleo e iai taavale ua o latou maua o loo mulimuli i courier vans ma ua valaau mai ai e vave fesootai leoleo pe a iai se tulaga faapea.
