Ua lapataia nei le itu i Matu o le North Island faapea Matu ma Sisifo o le South Island i timuga mamafa ma e ono lolovaia ai.
O le po anapo faasolo mai i le asō lea o loo sau i lapataiga ua aumai e le ofisa o le vaaitau o le a tele ina aafia ai i timuga mamafa.
Ua toe faamamafa ai e le Civil Defence and Emergency a Northland, Aukilani, Waikato ma Bay of Plenty tagata ina ia utagia lapataiga ua aumai.
O Aukilani o le ta o le 8 anapo faasolo atu i le ta o le 4 i le afiafi nei lea o loo lapataia ai i faititili ma lologa i nisi o nofoaga a o ta’ua mai ai timuga mamafa.
O isi uma vaega o Niu Sila o loo tele ina lapataia i timuga mamafa i le asō e ese ai Milford Road o loo lapataia i le aisa toulu.
Puna o Faamatalaga: Weather: Severe storm watch, heavy rain loom for Auckland, regions | RNZ News
