Ua lipotia le faamatuu mai o se lapataiga e faatatau i le tulaga lamatia i le maua ai i le Hepatitis A mai frozen berries e aumaia i totonu o le atunuu, ma ua tuuina mai lea lapataiga ina ua toatolu tagata ua aafia i le gasegase o le liva, liver disease.
O loo lipotia e le Televise a Niu Sila o le Hepatitis A e aafia ai le tagata mai le tausamiina o taumafa poo le vai foi e le mama pe pesia foi i se fesootaiga ma se tagata ua aafia.
O auga e aofia ai auga o le flu, le lava ma tiga sooga o le tino pei ona lipotia e le Health Navigator NZ.
E masani ona aafia ai le tagata i le vairusi lea mo le tasi i le lua vaiaso ma o le toatele o tagata e toe malolosi mai e aunoa ma le aafia i le gasegase o le liva, ae mo nisi e ono silia lava ma le masina.
Taua mai e le NZ Food Safety o loo galulue nei ma i latou o loo aumaia berries ia i le atunuu ma mataitu le tulaga o loo tulai mai.
