Ua lapatai le WA Health i tagata o le setete ia faaeteete i lamatiaga o le misela ona e iai le tagata malaga na aafia i le misela ina ua toe foi mai mai Bali ma asia le tele o nisi nofoaga i le setete ae o loo aafia i le misela.
E le o mailoa tonu vaega uma na agai iai e pei ona ta’ua i le lipoti ae fai mai sui o le soifua malolona e mautinoa sa iai lea tagata i le Bunnings i Perth faapea se faleoloa ma se papu i le lua vaiaso talu ai.
Ua lapataia ai e le WA Health tagata o le latou faaitu ia mataala i auga o le misela.
O le Aso Sa, 3 o Setema na ulufale ai lea tagata i le Royal Mall Hotel i Meekathara ma e silia ma le lua itula sa iai i le nofoaga lea.
O le isi Aso Sa na tea nei, 11 o Setema na asia ai e le tagaa lea Spud Shed Kelmscott, le Bunnings i Armadale ma nofoaga e lua o taulaga faatau i le itu i Saute o Perth.
Lapataia soo se tasi sa iai i nofoaga ia e fai tuipuipui ma e amata mai i le 6 masina le matua o le pepe ua mafai loa ona fai lona tuipuipui mo le misela.
