O le au taufaasese ma le au taufaavalea o loo latou tulituliloa tagata Niu Sila e ala i le faaaogaina o le facebook i se faiga e faatatau i le NZ Superannuation Fund, ua faailoa mai i le asō e lea auaunaga ni faamaumauga e tusa o ia faiga taufaasese ma fautuaina ai tagata.
Fai mai le sui o le NZ Super Fund, Mark Fennell i se uluai taumafaiga a i latou ia e faatino le tulaga lea i se tagata i luga o le facebook, na o latou faaaoga ai igoa sese ma ata ae faaaoga ai le igoa o le Fund ma na leiloa ai tupe a sea tagata.
Fai mai Fennell e ao ona silafia e tagata e lei ofoina lava pe o fuafua e le Fund ni inivesi i se tagata ma e latou te le faia foi ni fefaatauaiga i crypto currencies i lalo o le igoa NZ Super Fund.
Fai mai le ofisa afai o aafia nisi i le tulaga lea e lelei ona vave logo loa le Finanicia Markets Authority ma isi auaunaga faapea ma faailoa foi i leoleo mae sili ai ona faamuta vave lau fesootaiga ma i latou ia.
