Ua sau le lapataiga e mataala i pa’ū o le Black Friday.
O lea ua oo foi i le taimi e tele ina tosina gofie ai tagata i faalauiloa o pa’ū a faleoloa.
Ae mai le Consumer NZ e fautuaina tagata faatau e fai muamua a latou suesuega ma iloilo pe faamaonia le tau pa’ū ua faasalalau ai.
O se lapataiga ma se faamanatu ua sau ai mai suesuega na faia e le pulega ma maua ai o le tele o faleoloa tetele na maua i tausaga talu ai o tau pa’ū o le Black Friday o tau lava nei sa iai muamua.
I nisi o siaki na faia i luga o le PriceSpy na maua ai o le mea lava lea e tasi.
Ua sau ai ma tala a le sooupu o le Consumer NZ, ua faigata ona talitonuina i nisi o taimi.
E ese mai le PriceSpy o loo mafai foi ona faaaoga e tagata faatau le PriceMe mo le faatusatusaga o tau o oloa a o lei totogia.
O le Black Friday e pa’ū i le Aso Faraile o le vaiaso fou.
