O loo iai se lapata’iga o matagi malolosi ua tuuina mo le itu i Saute o NSW i le asō a o faasolo atu se vaega loulouā o le tau i le itu i Matu.
O Victoria sa aafia i timuga mamafa ma lologa oso faafuase’i, faapea matagi malolosi ma timu aisa i le aso ananafi ma o loo faia galuega faamamā i le asō.
Fai mai o loo faasolo atu lea vaega loulouā o le tau i le itu i Saute i Sasae o NSW i le asō ma o matagi e ono oo atu i le 90km i le itula le malolosi mo le tele o vaega o lea faaitu.
O loo iai foi matagi malolosi o loo lapata’ia ai le Illawara, Batemans ma Eden Coast.
Ua fuafua e faaitiitia i se taimi o le aoauli nei ma ua faamauina foi le tele o valaau mo se fesoasoani na oo atu i le vaega a le SES e mātele i laau to’ulu mai le malolosi o matagi.
Puna o Faamatalaga: https://www.9news.com.au/national/australia-weather-update-damaging-winds-forecast-for-southern-nsw/0245b4c4-9e2d-43cb-b9a9-8127c86eefd1
