O loo lapataia foi e leoleo le faaeteete pea o le atunuu i luga o ala tetele aemaise lava i le aga’i atu i le Blue Mountains ma le Great Western Highway lea na tapunia i itu uma e lua mai le taeao analeila ona o le aisa i luga o le alatele.
E ui ua toe tatala i le taimi nei ae o loo fautuaina pea le faaeteete o le atunuu femalagaa’i mo le aga’i atu lea i le va o Katoomba ma Mount Victoria.
Lipotia mai na iai foi faalavelave tau taavale na tulai mai i le vaega lea i le taeao ona o le mamafa o le aisa ma faatuai ai faigamalaga.
Maitauina le mālūlū tele o Ausetalia mai le taeao analeila e ui i le susulu malosi o le la i le taimi nei.
