Ua lapata’i mai le teutupe a Ausetalia, Jim Chalmers i le au faitaavale e ao ona silafia o le a toe siitia foi le tau o le penisini aemaise ona o vesiga ua faateteleina pea i Sasae Tutotonu.
Fai mai Chalmers ua vaaia le siitaga i le tau o le suāuu ma e iai ona aafiaga mo le au faitaavale ma aiga faapea foi komiuniti i Ausetalia ma soo se vaega o le lalolagi.
Toeitiiti ⅓ o le suāuu i le lalolagi e maua mai Sasae Tutotonu ma sa iai sina faamāmā avega i nai vaiaso talu ai sa faatau ai le penisini i le itiiti ane i le $2 i le lita, peitai o le vaiaso nei ua toe oso maualuga foi le tau faavaomalo ma o le a vaaia foi aafiaga ia i le atunuu ae o le a mata’itū pea e le ACCC le tau o le penisini ia faamautinoa o loo sa’o ona faatino i auaunaga i le atunuu.
Puna o Faamatalaga: https://www.9news.com.au/national/treasurer-warns-of-petrol-price-rises-amid-global-tensions/2d4aa8dd-a76a-4668-9194-21a9e2bd6f5f
