O tulaga faaletonu o le tau ua aafia ai Samoa i lenei vaitau ua le mapu ai le taulogologo a le Pulega o Taavale Afi a Samoa (Land Transport Authority) i nofoaga poo aualalaupapa o loo saogalemu ma nofoaga e le tatau ona uia ona o le malolosi o tafega.
I luga o upega tafailagi le Facebook a le LTA o loo lipotia ai faatasi ma ata nofoaga ma auala o loo matuai telē le aafia e pei o le auala simā i Sapapalii na faailoa e le pulega e le o saogalemu mo femalagaa’iga.
O le isi auala simā na lipotia e le LTA e le o saogalemu o le auala i Lotopa/Tulaele ona ua siisii foi le maualuga o le vai i lea vaega o le auala ae le gata i lea o le auala simā i Uafato ua matuai taofia le kolosi ai o taavale.
O nisi auala o loo saogalemu mo le taimi nei o le auala simā i Moamoa, Eva faapea Fagalii. O le a tulimatai pea e le pulega fesuaiga o le saogalemu o nei auala ona toe logo lea o le atunuu pe a iai ni vaaiga lē saogalemu e tulai mai ai.
E pei ona silafia e 7 afā o loo valoia nei e le Ofisa o le Vaaitau a le Pasefika e ono afea le atu Pasefika mai le masina o Novema e oo atu i le masina o Aperila 2023.
