O matagi e to faata’uta’u ma timuga mamafa ua aafia ai nei le Upper North Island a o faasolo mai pea agai i Saute le agai mai a le afā o Hale ma ua tele magaala ua tapunia ma maota ua motusia mai ai le eletise i le taimi nei.
O le uluai tropical storm lea o le tausaga a o fautuaina ai tagata i le Coromandel ma faaitu lalata ane ina ia faaeteete ma mataala a o faaletonu ai le tala o le tau.
O le Hauraki Gulf le isi nofoaga o loo aga atu nei iai le afā o Hale. Ua lolovaia le tele o auala ma ua unaia e leoleo tagata i Northland ia nonofo i o latou fale ma agai ese mai ma nofoaga o loo tulata i le sami.
Ua faailoa mai nei e le vaaitau ni lapataiga o uiga louloua o le tau o le a iai i vaega e pei o Aukilani, Northland, Coromandel Peninsula, Gisborne, Hawkes Bay, Wairarapa ma Tararua.
O le State Highway One i le itu i Matu o Aukilani ua tapunia nisi vaega ona o lologa.
Ua iai foi lipoti i le asō ua ta’ua ai e foliga e iai foi se isi afā o loo matauina o loo agai mai i le atunuu i le vaiaso fou.
