Ua lapatai mai leoleo ma le vaega o le puipuiga ona o timuga mamafa ua fautuaina e aafia ai Aukilani i le asō e ono mafua ai foi ni sologa eleele aemaise lava i vaega ua leva ona pa’ū iai timuga.
E iai le talitonuga o timuga e le ono faatupulaia ai ni lologa ae o sologa eleele ma ua fautuaina foi tagata ia alofia le afea o le matafaga i Piha ona o le a maualuga le tai.
E 215 fale i Aukilani ua faapipii iai le sticker lanu mumu lona uiga ua le tatau ona toe nofoia ma faasā ona ulufale iai se tasi talu mai le afā o Gabrielle ae 269 fale ua faapipii iai stickers lanu samasama o lona uiga e iai taimi e faasā ai ona ulufale iai se tasi ma manaomia ona faia iai lipea.
E tele mea ua faaleagaina i sologa eleele i vaega o le atunuu ma ua aafia ai foi soifua ma ua fautuaina ai le atunuu ia faaeteete foi i le aso ma tulaga louloua o le tau.
