Ua sau tala o loo vaavaai tausimai e teena sifi faaopoopo i le vaiaso fou.
O le asō e uma ai le ponesi faapitoa o le winter ma o loo finau le iuni ia toe fetuunai le faaauau o le maua pea o se peimeni e totogi ai le faigaluega o tausimai i itula uumi.
Saunoa le pule sili o le Nurses Organisation i le tusa ma le 35,000 o ona sui o loo galulue mo le Te Whatu Ora e talia na o sifi o loo konekarate ai i le vaiaso, ma e faapea o loo lagolago e le toatele.
O se tusi ua tali mai ai le pulega a le matagaluega, Te Whatu Ora ma faapea mai e ono solitulafono lea tetee.
Ua tali mai ai foi ma le pulega, o le peimeni foi ua laga mai o lea lava na manino lona faatalanoaina e mo na o le piriota mai le aso muamua o Iulai e oo mai i le asō.
Ae i le talia ma le lē talia o sifi faaopoopo mo le vaiaso lea e faapea mai ai le pulega a le Te Whatu Ora e solitulafono, e foliga mai o se mataupu e lavelave ona e eseese uma konekarate a le toatele ona o lea sa sainia i le taimi a o i lalo o pulega a le 20 District Health Boards poo DHBs ae e lei omai uma i lalo o le faamalu e tasi ua iai nei.
