Ua lipotia i le asō le lapatai mai o Saina ia Ausetalia e faatatau i le asiasiga a faipule mai Ausetalia lea ua malaga atu i Taiwan ma ua faailoa e le aufaasalalau mai Saina o lea gaioiga o le a toe faaleaga ai le taumafaiga sa faia e faaleleia ai sootaga o Beijing ma Canberra.
E tele faitioga na agai i le palemia o Anthony Albanese ona o le mataupu lea ma le lē faailoa iai o sana tetee e pei ona faailoa ai ni tusitusiga i le Global Times.
O le aumalaga o faipule e toaono e aofia ai lē sa avea ma sui palemia o Barnaby Joyce o loo iai nei i Taiwan lea e maumaututu ai le finau a Saina, o se vaega lea o lona atunuu.
O isi faipule e aofia ai Meryl Swanson ma Libby Coker mai le Leipa, Scott Buchholz ma Terry Young mai le National ma le sui o le Liberal o Gavin Pearce.
O se taimi ua sola sa fai ai se faamatalaga a le Palemia o le malaga lea e le o ni pisinisi a le malo.
