Ua tuuina mai se lapataiga mai le Centrelink i ana paaga uma ina ia mataala i se isi taufaavalea ua alia’e ua folafola ai e iai ma se isi ponesi e $1,800 o loo ofoina mai e le Centrelink i tagata.
Ua uunaia e le Services Australia tagata ina ia mataala ona e leai se peimeni faapea o tuuina mai e le Centrelink.
Fai mai o nisi upega tafailagi e lē aloaia o loo latou faasoaina faamatalaga taufaasese ia e faatatau i le fake payment lea mo tagata o loo maua le penisiona a tagata matutua.
Ua faailoa foi e le ofisa e tele foi isi taufaasese e aofia ai ma le myGov ma le Medicare.
O le faamatalaga mai le Scamwatch, le ofisa a Ausetalia e mata’ituina tulaga faapea, e oo atu i le 92 miliona tupe a tagata Ausetalia ua ma’umau i nei faiga taufaavalea mo le tausaga lava ia lenei 2024.
Puna o Faamatalaga: https://7news.com.au/news/services-australia-issues-warning-over-1800-centrelink-payment-scam–c-14742916
