O loo galulue le Faletupe Tutotonu o Samoa e faailoa tagata o loo faia se gaioiga taufaavalea i luga o upega tafailagi e faaaoga ai le tagavai a le Faletupe Tutotonu o le atunuu.

O lea faiga na faailoa i se pepa o faamatalaga e faapea o se Taaloga app ua fausia ma e leai se fesootaiga o lea app ma le Faletupe, ua ta’ua foi o le a lē aafia lava foi le faletupe pe a iai ni faalavelave e tutupu mulimuli mai ai i le taaloga lea.

Ua faaaoga foi faasolitulafono le tagavai ma ata o le faletupe ma ua aafia ai le tulafono tau faamatalaga faatekonolosi e tusa ai ma tulafono o soligatulafono a Samoa.

Ua aumai ai le faamanatu a le faltupe i le mamalu o le atunuu ina ia mataala ma aloese mai i ia faiga taufaavalea.