Ua lapatai tagata e le pulega a le Waka Kotahi e mataala i texts mai le au taufaasese.

O feau tusitusia nei o loo maua e nisi i luga o telefoni ua moomia le faafou o laisene avetaavale i totonu o le 24 itula.

O loo sau ai foi ma se tasi o link e tatala ai se tasi o upega tafailagi a tagata taufaavalea.

O feau tusitusia nei e faapea o loo sau mai le numera telefoni Ausetalia poo le numera telefoni e amata i le +61, ma ua toe faamanatu le Waka Kotahi latou te le lafoina mai ni feau tusitusia i tagata lautele.

E le o le taimi muamua lea ua aafia ai le igoa o le pulega o taavale afi i faiga taufaasese, ma o lea foi ua toe faamanatu e mataala foi i imeli o loo sau faafoliga e mai le pulega.