Ua faailoa e le pulenuu o Aukilani o loo iai i le taimi nei, Phil Goff e lagona lona fiafia i le galuega na ia faia i le tuufaatasia o pulega ma fesoasoani i mataupu sa unaia ai le aai agai i luma.
Ua lamalama faaiu le tautua a Goff ia Aukilani i lona tofi o le pulenuu ma ua ia faamatala i se faatalanoaga i le Checkpoint i le mae’a o le ono tausaga i lana galuega e iai lona faamoemoe ua sili atu ona lelei Aukilani i le taimi o tulai mai ai i le tofi.
E pei ona silafia o lalo o le taitaiga a Goff lea sa iai Aukilani i le taimi o le Koviti-19 ma ua faalua ona tulai mai i le tofi ma o se tasi foi sa avea ma minisita o le leipa ma le Kapeneta i tausaga ua mavae ma e silia ma le 40 tausaga i le faapolokiki.
