Ua faaali le mafatia o le toatele o le mamalu o le atunuu i luga o upega tafailagi e ala i foliga vaaia na molimauina e le toatele i le taeao nei i le tapunia ai o faitotoa o le falefono o Samoa.
O nisi o i latou ua faalia o latou manatu i lea gaioiga e aofia ai ma Loia lea na taua e le tamaitai Loia ia Muriel Lui i luga o le Facebook e faapea
“ today was a day of shame for me as a Samoan and as a lawyer”
O le ala o lea faaupuga ona o le savavali mai o le Faamasino Sili ma lana vasega a faamasino e agai i le Falefono peitai o loo tapunia faitotoa . Taua e Muriel na’o le loimata maligi na vaaia i le vasega faamasino ina ua tulai mai lea tulaga .
Na ia taua foi o le gaioiga mulimuli lava lea ua lē amanaia ai le tutoatasi a le faamasinoga e ala i ana faaiuga fai.
“( The chief Justice and our whole Judiciary walked from the Courthouse up to the doors of the Parliament house, while people sang hyms of prayer. His Honour the Chief Justice tried to open the door, which had been locked by our caretaker Government. I cried as this happened. Everyone around me was crying. I do not have enough words to describe the feeling that overcame me at this moment in time. But what came through my head was that this was the last and final insult to the rule of law. Locking the doors of the peoples house to everyone including the Judiciary was a symbolic of our final descent to lawlessness. And I cried as I realised that.)”
Ae le gata i lea o le mamalu o le atunuu ua faaleo lo latou loto mafatia ma le faanoanoa ona o le uluai taimi lea ua tulai mai ai se gaioiga faapea ma ua talosagaiga pea se saogalemu mo Samoa atoa.
Na faali foi manatu o atunuu tuaoi o Samoa e pei o Niu Sila ma Ausetalia e ala i tulaga ua iai nei Samoa ma taua ai e le Minisita o le Va i Fafo a Ausetalia Marise Payne “ e taua i vaega faaupufai uma ona usitaia ma amanaia aiaiga o le tulafono o faiga faatemokarasi ma e iai le faatuatuaga o Ausetalia i le faamasinoga a Samoa”
Taua e le Palemia o Niu Sila Jacinda Ardern “ ua leva ona matau lelei e Niu Sila vaega uma o loo tutupu mai Samoa ma e iai foi lona faatuatuaga i faiga faatemokarasi a Samoa ma ona faalapotopotoga, ma ua talosagaina ai le toatele ina ia faataua nei faiga faatemokarasi”
