E silia ma le 52 afe tālā Ausetalia na foa’iina e tagata mo si tamā ma si ana pepe na faamanu’alia i le osofa’iga o lo latou fale i Alice Springs i le masina nei ma ua faasolo manuia.
Fai mai lipoti o le tamā lea ma lana pepe e 2 masina na aafia ina ua osofa’ia lo latou fale i le faaitu lea o Ausetalia o Alice Springs.
E tasi le vaiaso talu ona mae’a le faalavelave ae ua silia ma le 52 afe le tupe ua foa’i ane e tagata mo sia aiga i se su’ega tupe sa faia i luga o upega tafa’ilagi, online fundraiser.
O loo i le falema’i le to’alua o le tamā lea ma lona afafine laitiiti ma o loo tigaina mai manu’aga mai lea lava osofa’iga.
E to’alua talavou na osofa’ia le fale o si aiga i Larapinta ma faaoolima ai i le tinā o le aiga ma sosola ese ma se tama’i ato ma ki o le taavale.
Ua faamatala si tamā na aafia e maofa i le agalelei o tagata ma se vaegatupe tele ua foa’ia.
Fai mai na amata lava le fundraiser e nai tinā o le komiuniti ma i’u ai lava ina to’atele na fesoasoani ane iai.O le faamatalaga a le aiga e lē o ese mai le latou komiuniti a o faaauau ai pea su’esu’ega i ē na faatinoina le osofa’iga.
Puna o Faamatalaga: https://www.abc.net.au/news/2024-12-17/alice-rallies-around-baby-after-violent-home-invasion/104732210
