E 7,927 tagata ua faamaonia mai e le matagaluega ua aafia i le Koviti-19 i le atunuu i totonu o le 24 itula talu ai atoa ai ma le to’a 27 o tagata ua maliliu na aafia i le faama’i.
O le lipoti lata mai mai le soifua mālōlōina ua ta’ua ai e 393 gasegase o le koviti o loo iai nei i falemai, o lona uiga ua 32 ua sili ai mai le numera na iai i le aso ananafi. E to’a 12 o loo i potu tigaina.
O le aofai o tagata ua faamauina ua maliliu i le faama’i ua oo atu i le 1,294. O loo tulaga silia pea Aukilani i le aofai o tagata aafia i le faama’i, e 2,239 le aofaiga mo le 24 itula talu ai ma e oo mai i le taimi nei e 42,398 tagata o loo aafia i le faamai i le komiuniti atoa i Aotearoa.
