Ua toe taumafai faalua atu leoleo a Korea i Saute e taofia lo latou ta’ita’i ma fesiligia i le mataupu e faatatau i lana folafolaga sa faia e uiga i le martial law poo pulega faamiliteli.
Sa vaaia taavale mai le vaega su’esu’e lea o loo galulue faatasi ma leoleo i le mataupu lea, ua taunuu ane i le maota o le alii Peresetene.
Ua fai si umi e pei ona lipotia o iai pea le alii Peresetene i lona maota ua puipuia e lana sekulati ma faafaigatā ai ona maua iai se avanoa o le ausu’esu’e ma leoleo.
O loo mana’omia foi ona fesiligia i nisi mataupu o loo faia iai su’esu’ega e aofia ai ma tuua’iga e faapea o loo aofia i se taumafaiga e faasagatau i le faigamalo.
O le amataga o le masina na ioeina ai e le faamasinoga se poloa’iga e mafai ai ona taofia le alii Peresetene ma e oo atu i le 48 itula e mafai ona taofia ai ma fesiligia mo su’esu’ega.
Puna o Faamatalaga: https://edition.cnn.com/2025/01/14/asia/south-korea-yoon-suk-yeol-residence-intl/index.html
