Ua faamavae le Palemia o Kanata o Justin Trudeau ma ua faate’ia ai le to’atele.
Na ta’ua e le alii Palemia ua manino ia te ia e lē mafai ona avea o ia ma ta’ita’i i le isi faigapalota ona o finauga lava faalotoifale ma o lana fuafuaga o le a tumau pea i le tofi se’ia maua se isi ta’ita’i fou o le latou vaega faaupufai le Liberals.
Fai mai Trudeau o ia e lē masani ona faamaamulu e aunoa ma le finau atu.
O vaega faaupufai uma e tolu i le Itu Agai a le atunuu sa o latou manana’o e faato’ilalo le Liberals.
O le 2015 na tula’i mai ai Trudeau i le tofi o le atunuu i le mae’a o le pulega a le Conservatives i Kanata mo le 10 tausaga.
E 53 tausaga o Trudeau ma e manatu nisi o le tele o le mau lu’itau i le Palemia aemaise i le toe manumalo o Trump i le palota a Amerika ua afua ai le faai’uga a le alii Palemia.
Puna o Faamatalaga: https://www.9news.com.au/world/justin-trudeau-resigns-canada-prime-minister-liberal-party-leader-end-to-time-in-power/5e1176cf-492c-463f-a415-5bda8cfe3893
