Ua faamaonia mai e le Kovana o le aai o Yucatan i Mexico i lipoti a le NBC i le asō e le’i tele ni mea na faaleagaina o le latou faaitu i faiga a le afā malosi o Milton, ma o mea foi na faaleagaina ua mae’a ona faia iai galuega ma isi ua faatulaga e toe faaleleia i nai aso o lumanai ai.
Saunoa le Kovana o Joaquin Diaz Mena, o gaioiga tau tupe ma auaunaga uma a le malo o le a toe foi i le tulaga e pei ona masani ai i le asō ina ua te’a nisi o faamata’u mai le afā.
O a’oga foi o le a toe tatala i le aso a taeao.
O le faaitu o Tampa i Florida lea o loo lipotia o loo faatūtū atu iai le afā ma o loo faatalia ai se isi lipoti lata mai.
E to’atele tagata i Florida ua aga’i ese atu i isi faaitu o le atunuu se’ia mae’a le afā a o isi o loo tapenapena pea ma faatalitali le taunuu atu o Milton lea ua feta’ua’ina e ono oo i le 260km i le itula le malolosi o matagi ma ua faatulaga i le Vaega 5, Category 5 le malosi.
Puna o Faamatalaga: https://www.nbcnews.com/weather/hurricanes/live-blog/hurricane-milton-live-updates-rcna174425
