O se tina maitaga ua maliu i le falemai i Perth i ni nai aso talu ona mae’a ona osofaia e se talavou i le taulaga faatau i Perth lava.
O Dianne Miller 30 tausaga na maliu i le aso i le aso i le Royal Perth Hospital, na faamatala e lona aiga i le 9news le mafatiaga o feagai ai ona ua faamaonia ua aafia ai foi ma uma ai le ola o si ana pepe e lima masina o loo tauaveina.
Sa i le falemai i le vaega tigaina sia tina talu ona aafia i se fasi poloka sima e pei ona lipotia na togi ai e se talavou i le kapaka o le taulaga faatau i Karawara i Perth lava.
Na faavave atu ai i le falemai mo togafitiga peitai ua faamaonia mai i le aso ananafi ua maliu.
Ua molia nei se talavou e 17tausaga mai Kensington e tusa o lenei faalavelave.
